الأحد , 21 سبتمبر 2014
مستجدات

قصيدة شعر.. أنا آسـف

قصيدة ,, أنـا آسـف

اسف

أنا آسـف حبيبتي لأني حبيتك
أنا آسـف لأنى إهتميت فـ يوم بيكي
سبتينى لما قولتلك مليش غيرك
سبتينى وكـله كـان بإيدك
أنا آسف لأني حبــيتك …

ويا صاحبي إوعى تزعل مني
وخليك دأيماً جنبي
دا انت صديق عمـري
ومعايا فـ فرحي وحزني
ولو إنت زعـلان مني !!
فأنا آسـف يا صاحـبي …

وبعد ما خاب أملي
وجرى بسرعة عمري
عرفت إنى كتــير
قصرت فـى حق أمـي
وبعد ما خاب أملي
وجرى بسرعة عمري
عرفت إن أكتر واحدة تستاهل حبي?
هــــي …. أمــــي !!
أنـا آسـف يـا أمـي …

قصرت فـ حقك كتير
وفاتت أحلى اللحظات
ولكن من النهارده هاعوضك عن كل اللي فات
هأعيش علشان رضاكي
دي الجنة تحت أقدام الأمهات
ممكن تسمحيلي أبوس إيدك
وأعتذرلك على كل اللي ضاع مني
وأقولك بأعلى صوت
أنـا آسـف يـا أمـي …

ويا أصحابي ويا أهلي ويا كل جيراني
يلا نفرح من تاني
وما تسيبونيش وتمشوا
لأرجع تــاني وحدانـي
أنا عارفك ياللي بتحبني
وبتفرح قلبى لـيالـي
وانت ياللي بتكرهني
هحاول معاك من تاني
يمكن قلبك يحن وتبطل تتحداني
ولو مش هيحن .. يا عم انت إنساني
ووالله أنا مش أناني زى ما فيه ناس فاكراني
أنا بأتمنى الخيـر للجميع وربنا العـالمـ بحـالـي
والشعـر دا يا نــاس … بيجـري فـ دمي وشـريـانـي
—————————————————-
قصيدة أنا اسف ,, لـ/ منعم القطان

إلى الأعلى
موقع طفرة جوز "منصة للمبدع العربي" حمّلوا ابداعاتكم في صفحة شارك