#انتي – شعر | طفرة جوز
أهلًا بكم في طفرة جوز - منصة المبدع العربي، سجلوا الدخول وانشروا ابداعاتكم في شتى المجالات: رسم ،تصوير ، تصميم ، شعر وقصيدة ، خواطر ، قصة قصيرة ، مقالات ، ابداع ، أعمال يدوية وكل ما هو ابداع.

#انتي – شعر

 

عارفه الكمان, انتي صوتك ادفى منه
خارجه من مشهد حزين داخله جداً فـ الفرح
حابه البحر جداً و رسمَه معاه قوس قزح
..
تشبهي لكل الحاجات كُل الحاجات تشبهلك
انتي كورد حزين بيرقص عالـ ايقاع جداً
الدنيا هي انتي و الدنيا شئ منك
و كل كورد يقول حبيبتي كفايه انها تحزن
..
حب ايه اللي يكفيكي يا حتة سكر دايبه جوا الشاي
كام ألف قلب ماات فيكي و انتي حزنك, يشبه للشتا و الناي
..
قاموس حياتك مُكنظ بلـ غايبين
اللي حَبك مـ اللي سابك مين
كل دا ورق محصول خبرة سنين
للأسف الجرح يوم مابيجي, بيجي مـ الغاليين
..
شئ غريب ,,, اللي يقرب منها
يصحى اول يوم يكون مرتحلها
تاني يوم الصبح يكون بيحبها
يتمنى ترضى لـ يوم و يكون جنبها
و يجي عم حليم يغني بحبهاا
بعديها بـ دقيقتين “لست وحدك حبيبها”
و هي ست الحزن مغلوبه على أمرها
ممنوع القرب منها, مسموح تعيش وحدها
..
لو تعرفي انا مين و لا مايهمش
انا بس حابب اقولك اني بَـتلبش
لما اسمك بيعدي من قدامي
لما صورتك تبقى فـ خيالي
لما تبقي كل ليله “عفريته” ساكنه فـ احلامي
و اصحى اقول يا رب بيها احلم تاني
كأنك انتي ادماني
لو بطلت احلم بيكي احس بخوف
لو غيبتي يوم عن عيني أخسر حبيبتي الشوف
..
و هفضل احبك و انا ساكت, و اعتبريني اها خواف
نوايا الناس اهي بانت و انتي حبك اختلاف
عدى مرحلة الحالات ,, انتي جااي, فـ عُمر فاات
..
لو قلت فيكي كتير كل الكلام ينقص
لا كلام هيكفيكي و لا دمع هيقضي
يا حبيبتي مين قدي ! ,, و انا راضي اكون أخرس.
………………………………………………….

اسلام مظهر تركي

انتي #شعر

شاركها على:

شاهد أيضاً

رسمتي بالباستيل _ولاء الداري

أضف تعليقاً

أهلًا بكم في طفرة جوز - منصة المبدع العربي، سجلوا الدخول وانشروا ابداعاتكم في شتى المجالات: رسم ،تصوير ، تصميم ، شعر وقصيدة ، خواطر ، قصة قصيرة ، مقالات ، ابداع ، أعمال يدوية وكل ما هو ابداع.